MASIGNASUKAv102
6510051498749449419

ما هو قسم مدنى | اقسام كليه الهندسة

أضف تعليقا
الاثنين، 14 فبراير 2022

 ما هو قسم مدنى

ما هو قسم مدنى | اقسام كليه الهندسة

دراسة قسم مدني تختص بدراسة كل الحاجات اللي ليها علاقة بحياة الانسان. ومهمة الخريج انة ينفذ المشروعات من مواني وشبكات مواصلات وتخطيط البنية التحتية

ماهي فروع القسم والفرق بينهم ؟ ومتي يتم التخصص؟؟

قسم الهندسة الإنشائية , قسم المواصلات والنقل , قسم الري والمواصلات , قسم الهندسة الصحيه .. التخصص في سنه 4

المواد المُعتمد عليها من إعدادى؟
استاتيكا ورسم هندسى وفيزيا جزء الموائع وخواص مواد

المواد الاساسية في القسم ؟
نظرية الانشاءات , خواص مواد , ميكانيكا التربة , مواد التصيم , إدارة المشروعات والعقود. وفي سنة رابعة بتاخد 3 مواد للقسم وهي مواد التخصص:-  مادة طرق ومادة موانيء ومادة تصميم طرق السكة الحديد

مجال العمل لقسم مدني وامثلة لتلك الشركات

مجال العمل داخل مصر شركات مقاولات , الاحياء والمدن تبع الحكومة ,ممكن تشتغل اكاديمي في الكلية
ما المشاكل التي تواجه الطلاب خلال دراسة القسم وخلال العمل؟؟
- العدد يعتبر كبير وبتكون الكثافة في المحاضرات وجود ضغوط كبيرة علي الطلاب
بالنسبة للتدريب بيتم التدريب من سنة تانية وبيكون في معارض في الكلية علي التدريب . وممكن تشوف حد من الشركات الصغيرة او المقاولين تشتغل معاه في الاجازات ( مهم جدا للشغل )

بيت الهندسة المدنية هو بيت من أعظم بيوت مدرسة الهندسة و أساس الهندسة في شتى مجالاتها
بيت مدني هو بيت الي بيضم المقاولين و المصممين و اخصائيين الأساسات و عشان كدة مفيش مكان في العالم فيه مهندسين بيخلو من وجود مهندس مدني
الطلاب فيه بيدرسوا كل العلوم الخاصة بدراسة الأحمال المختلفة علي المنشآت وطريق تصميمها و المواد
المناسبة لعملية البناء و أشهرها الخرسانة والاستيل والبيت دا معروف ببيت الألف شيت
والطلبة بتوعه بيمتازوا بتحملهم لضغط التسليمات الكتييييير 
مدني مش قسم واحد قائم بذاته لكنه نتاج أربعة أقسام مختلفة :-
قسم الهندسة الإنشائية
قسم هندسة الطرق و المواصلات
قسم الهندسة الصحية
قسم هندسة الري والهيدروليكا
تفتكر ايه الصفات التانية الي بتحتاجها ال sorting hat

عشان تقبل طلبة في بيت مدني ؟ 
قسم مدني من أهم الأقسام الموجودة كتير من الطلبة بتسأل عليه  في الكلية و الي
في اليوم بتاع قسم مدني اتكلم دكتور حسام الحبروك وقال :
مبدأياً اي حاجة فيها انشاءات من اي نوع لازم المهندس المدني بيشتغل فيها مش بس المباني المباني تعتبر جزء من الانشاءات لكن فيه مشاريع علمية عملاقة زي الكباري , سكك الحديد , الطرق , الري , الصرف الصحي , مشروع مطار و مشروع توسع بندرس كل الكلام ده.  من الاخر المهندس المدني بيبقى مهندس " جوكر " بيشتغل فى اي حاجة تانية .
المهندس المعماري عليهم دور التصميم لكن المهندس المدني عليه الدور الانشائي مثلا لو فيه حتة أرض و واحد عايز يبني فيلا عليها بيجيب مهندس معماري يديله التصور ازاي  المعماري يصمم المنشأ على حسب غرض المنشأ و اول ما يخلص المعماري يبدأ شغل المهندس المدني : الشغل الانشائي يبدأ يعمل ال Structure system للفيلا و بعد ما يصمم على اللوحات يبدأ شغل التنفيذ و الاخر التشطيبات .
فيه مشاريع كتير المعماري مينفعش يشتغل فيها زي الكوبري و استصلاح الاراضي و شغل الطرق و شغل المواني ( رصيف المينا ) .

مش شرط تجيب امتياز عشان تبقى ناجح المهم تبقى فاهم لأن هندسة كلية علمية فبالتالي لازم تنمي من نفسك بالمهارات اللي تميزك و تنجحك كمهندس مدني زي :
1) language skills مهمة جدا في حياتك كمهندس و اول لغة هندسية هي اللغة الالمانية لكن اهم و اول لغة هندسية على الاطلاق هي لغة الرسم  المهندس المدني يقدر يرسم لوحة المهندس الياباني يفهمها
2) Computer skills زي programming لغة ال C او Java و ال AutoCAD
كل ما تنمي من مهاراتك كل ما هتكون فرصتك للشغل اكبر و احسن  دول الخليج بتبقى طالبة مهندسين مدني مصريين كتير

داخل القسم اربع تشعبات :

1) هندسة انشائية
2) قسم الري
3) هندسة المواصلات ( طرق سكك حديد نقل و مرور و جولوجيا )
4) هندسة صحية ( صرف صحي )
يعتير سنة اولى اول سنة هتاخد مواد و اساسيتها فمش هتحس بالمادة اوي و مش هتشوفها لكن بعد كده انت بتتعمق فى المواد و تبدأ تشوف بعينك و تحس بالمادة
قسم مدني قسم لذيذ و بسيط الدراسة فبعضها بالEnglish و بعضها بالعربي
صعب انك تدخل مدني و بعدين تاخد كورسات عمارة عشان معرفتش تدخل قسم عمارة لأن قسم عمارة محتاج موهوبين و الفرق ان فى عمارة معندهمش صح او غلط زي باقي الاقسام لأ عندهم حلو او وحش و القسم مفيهوش ضغط زي عمارة .
مفيش تمييز بين الولد و البنت فى الشغل بس الافضل للبنات بيبقى فى المكاتب و ده لأنه متعب اكتر .
غلطة المهندس المدني بتطلع فى الجرايد عشان كدة لازم تخلي بالك إن غلطتك بكارثة علي طول 
SSP : Construction and Architecture في بياخدوا مواد مهمة من مدني و مواد مهمة من عمارة بس لما يتخرجوا بيميلوا ييبقوا مهندس معماري لأن صعب يشتغل كمهندس مدني لأنك كدة تقريبا مأخدتش كل حاجة
العد الكبير يؤثر لو انت مش مهتم بالعلم و مش عايز تتعلم لكن لا يؤثر لو انت عايز تتعلم و متابع مع الدكتور و ببذل مجهود عشان تتعلم و فى الاخر المهارات اللي بتتعلمها بتميزك عن باقى المهندسين .

لما تشتغل مش هتتخصص فى حاجة انت تقدر تشغل في كل حاجة إنشاء او ري او طرق و ومساحة و اي مجال تاني
الرسم المدني ملوش دعوة بالاسقاط و الرسم الهندسي
مرتب المكتب بيبقى اقل من مرتب المواقع عشان شغل الموقع متعب اكتر و البنات تقدر تشتغل عادي و شغل الموقع بيبقى لذيد و ممتع
كل ما تنمي فى مهارتك كل ما اكيد فرصتك هتعلى فى الشغل و مرتبك هيعلى


لو بتنقل الشيت و انت مش فاهم حاجة مش هتنفع بعد كده العمارات هتقع و ممكن تقع اما لو حليت كده انت تقدر تجيب امتيازات و تبقى فاهم و ده هينفعك اكيد بعد كده و مفيش عمارات هتقع و المهندس المدني دايماً في ايديه ارواح
-الاعتماد الكلي على الكورسات غلط نتيجتها ممكن تبقى بالسالب و تشيل المادة اللي اخدت فيها كورس زي ما حصلت معايا
لكن الكورسات الهندسية زي ال AutoCAD و ال Sap ي دي لازم تتاخد عشان هتنفعك فى الشغل بعد كده

مواد اولى مدني :
المساحة : مادة بندرسها بنحسب منها حجم الرمل و حجم الحفر و المنسوب اللي بنبي عليه و هي مادة مهمة جدا و اعمال السنة بتاعتها كتير متوزعة على الشيتات و سكاشن العملي و امتحان العملي و امتحان الشفوي
Materials : من اهم المواد بتدرس خواص كل مادة و استخدماتها لازم تحضرمحاضرتها و السكاشن يبيقى فيه امتحان شفوي قدام الدكتور بيسألك على حاجات قدامه فلازم تهتم بالسكاشن العملي .
Structures : مادة اساسية فى القسم و من اهم المواد و اهم اساسيات مدني وهي عبارة عن هيكل المنُشأ و اننا بندرس ازاي يكون متزن و توزيع و حساب الاحمال على المُنشأ ازاي لتوزيع الاعمدة .... محاضرتها مهمة و السكاشن مهمة جدا
الرسم : مش زي الرسم الهندسي مادة مكملة على سنة كلها بندرس ازاي نقسم السلالم و الطوب و الكباري و الترع لازم تتعود ترسم لوحة بالايد و متنقلش اللوحة عشان المادة محتاجة فهم و امتحانها بيبقى طويل و محتاج فهم و فيه امتحان شفوي بسيط
جولوجيا : بندرس كل حاجة متعلقة بالارض زي الصخور و الزلازل و البراكين و الآبار
مادة سهلة و بيتجاب فيها تقدير
الاقتصاد و القانون : مادة بنعرف منها الارباح و الخسائر و ازاي نفرق بين مشروع ناجح و مشروع هيفشل محاضرتها بتبقى مهمة و ممتعة و السكاشن مهمة عشان حل المسائل و القانون مادة بتعرف المهندس المدني ايه واجباته و ايه القوانين و العقود اللي بينه و بين المقاول
ميكانيكا : مادة سهلة الامتحان بيجي من المحاضرات و الحضور السكاشن و حل الشيتات مهم
فورتران : برنامج بيسهل حل مسائل ال structures اللي حسابتها صعبة و معقدة و حضور محاضرتها و سكاشنها مهم

أ.د مجدي أبو العلا
شعبة الري والهيدروليكا - الهندسة الصحية .
انت بتدرس من الأقسام الداخلية كلها على مدار الأربع سنين مش بتتخصص غير فى الماجستير والدكتوراه.
مجالات الدراسة:
الهيدروليكا
هندسة الرى
هيدروليجيا
تخيطيط منشآت الرىّ
حماية البيئة
فى الاخر بتحصل على بكالريوس هندسة مدنية – الماجستر والدكتوراه هم اللى بيكونوا فى التخصص نفسه سواء انشائية أو هيدروليكا ورىّ أو غيره
أهم المنشآت اللى بنتعرّض لدراستها
القنطرة: منشأ هيدروليكى به فتحات فايدتها التحكم فى كمية المياه وسرعة المياه بالفتحة
السدود: بنخزّن فيه المياه وبنوّلد منها كهربا
الترعة : هى قنوات مكشوفة لها عرض وارتفاع
توليد الكهرباء فى السدّ العالى بيكون معتمد على فرق الارتفاع بين السد وبين بحيرة ناصر.
العبّارة: ودى اللى بنستخدمها فى اننا نعدى المياه تحت الطريق .. ولازم تتعرض لتصميم هيدروليكى الاول.
مياه النيل 55.5 مليار متر مكعب فى السنة لو نصيب الفرد أقل من ألف متر مكعب يبقى تحت خط الفقر ودى من المشاكل اللى بنواجهها وبنحاول نحلّها باننا نكتشف مصادر مياه غيرتقليدية .. زى المياه الجوفية اللى لازم تكون متجددة ونسبة الملوحة فيها ماتكونش عالية .
كذلك مشكلة أثيوبيا .. احنا المفروض عارفين ان 80% من مياه النيل بتيجى عن طريق النيل الأزرق اللى جاى من ناحية أثيوبيا .. وسد النهضة ده بين أثيوبيا والخرطوم فهل ده هيأثر على حصة مصر خصوصا مع زيادة السكان .. ده اللى بيتم دراسته عندنا فى قسم الهيدروليكا ..
كمان نعمل ايه عشان نقدر نزود الرقعة الزراعية .. قسم هندسة الرى والهيدروليكا هو اللى بيبحث عن حلول لهذه المشاكل خاصة بعد زيادة عدد السكان.

5 عيوب :
عدد كبير
قسم الألف شيت
مهندس الموق بيحتاج مهارات كثيرة لأنه بيتعامل مع طبقات مختلفة
الخلفية الغلط عن القسم
افتقاده للمشاريع العملية (زى كهربا وميكانيكا)
5 مميزات
كثرة فرص العمل داخل وخارج البلد
مجالاته الكثيره ومش بتتخصص فى حاجة معينة طول فترة دراستك
كورسات القسم مش كتيرة ومعروفة اماكنها
مبناخدش مواد من أقسام تانيه
يمتاز بالواقعية.. فهو لامس اللى بتشوفه فى حياتك كل يوم

أسرع مهندس بيشتغل هو مهندس مدنى عشان السوق محتاجه جدا
فى الغالب الشيتات بتطلب كلها فى اخر السنة والناس بتتفاجئ فبتضطر تنقلها فى الاخر
فى بنات بيددخلوا القسم عادى وبيشتغلوا .. فى مثلا مجال الديزاين ده بيكون شغل فى مكتب عادى ..
الفرق بين مدنى وعمارة .. عمارة بيكون شغل تسويق أكثر بيهمهم الشكل ..لكن مدنى بيحول اللوحة لواقع والاتنين بيكمّلوا بعض ..
اولى وثانيه مدنى بتدرس الديزاين لكل المواد وفى تالته بتدرس مواد اختيارى بتكون متعلقة بالمشروع اللى هتختاره .. لكن مش شرط انك تشتغل فى مجال المشروع بس.. لكن ينفع تشتغل فى اى مجال
اللى معاه أعمال سنة سهل جدا ينجح ويجيب تقدير كمان .. فاهتموا بيها
رسم مدنى ملهوش علاقة برسم اعدادى وهوبيعتبررسم واقعى .. محتاج منك بس تكون خطوطك واضحة وايدك سريعة
مهندس مساحة مثلا : هو اللى بيحسب المنسوب للأرض .. فلو عندى مثلا منسوب 6 وارض تانيه منسوبها 4 هاخد واحد من ال 6 احطه على ال 4 بحيث الارض كلها تكون نفس المنسوب فاحنا بندرس مادة مساحة .. مطلوب منك أعلىلا جوده بأقل سعر وأسرع وقت
السويل: لازم مهندس ييجى يعاين الارض ويشوف نوع التربة اللى هيتبنى عليها المبنى عشان كده بندرس مادة سويل
ماتريال .. لو محتاج اعمل خرسانة مثلا هعملها ازاى وايه النسب اللى هحتاجها وايه ظروف البناء اللى هتأثر على الماتريالز ..
ستراكشر.. بعبع مدنى ..وهى تحليل المنشات مش صعبة اوى بس لو مش مذاكر كويس هتشيل .. مش بتتشرح فى السيكشن .. بتتشرح فى المحاضرة وتدخل تطبق على طول ..
فى مجال الشغل اللى بيفرق طالب عن تانى اللغة والكمبيوتر وطريقة التفكير.

د/حازم البكري
قسم مدني هو أربع أقسام منفصلة مش أربع شعب .
المقصود هنا هما :
-هندسة إنشائية
-هندسة مواصلات
-هندسة ري وهيدروليكا
-هندسة صحية
مجالات الدراسة في القسم بتدور حوالين 3 حاجات هما :
-التصميم أومراجعة التصميم
-التنفيذ
-إدارة المشروعات )تكاليف الإنشاء والوقت المحدد(
مجالات العمل :
* شركات المقاولات
* الإدارات الهندسية
فرص العمل جيدة بنسبة كبيرة لكن بتعتمدعلى حال البلد..
الفرق بين قسم عمارة وقسم مدني :
- قسم عمارة بيحدد الشكل والأبعاد وتوزيع المبنى من
الداخل وتفاصيل المبني .
- قسم مدني مهمته هي تصميم الأساس وشغل إقامة المبنى نفسه.
د/ علي النجار (هندسة النقل والمواصلات)
المفروض إن الطالب يلم مواد الأربع أقسام كلها ..
مادة المساحة (أوالرفع الهندسي) هو رسم حدود للأرض ونقل الرسومات لأرض الواقع.
المشروع في الجزء الخاص بهندسة النقل والمواصلات ممكن
يبقي :
- طرق
- مجرى مائي
- مواني
- سكةحديد