MASIGNASUKAv102
6510051498749449419

تعرف ايه عن Mandela Effect

أضف تعليقا
الثلاثاء، 9 نوفمبر 2021

 

 تعرف ايه عن Mandela Effect "تأثير مانديلا" الي بيمر بيه معظم البشر؟


شوف يسيدي "تأثير مانديلا" موجود من سنين واول مشروع بحثي ظهر حول القضية دي كان سنه 1974 وكان اسمه (متلازمة الذاكرة الزائفة) وكان من كتابة (بيير جانيت وسيغموند فرويد) وكان بيتكلم ف أن المتلازمه دي بتأثر علي ميول الشخص بشكل كبير في حياتة اليومية، لأن الشخص بيعتقد ان المعلومات الخاطئه دي صحيحه وكمان في ناس بتكون في عقلها معلومات غلط تمامًا وممكن تأثر عليهم بشكل كبير.
ولما تم نشر البحث ده لقي أهتمام كبير وفي علماء كتير زي (إليزابيث لوفتس) "أشهر عالمه نفس " اهتمت بالموضوع ده.
بس طبيعي مع الوقت الموضوع يموت ويتنسي لحد ما جت سنه 2010 وظهر واحده أسمها (فيونا بروم) ودي أستشارية خوارق وراحت نشرت سؤال علي السوشيال ميديا وهو :
_ نيلسون مانديلا مات ولا لا ومات امتا وازاي ؟
وبعد نشر السؤال ده حصل حالة من الصدمه والخوف.
لأن فيونا دي لقت أن معظم الناس وناس بالملايين بتقول ان زعيم جنوب افريقيا نيلسون مانديلا مات في التمانينات في السجن.
بس تعرف ايه المرعب في كده ؟
المرعب أن نيلسون مانديلا ممتش في التمانينات اصلا ولا حتي مات في السجن ده نيلسون خرج من السجن سنه 1990 ولما خرج بقا رئيس جنوب أفريقيا كمان وفاز بجايزه نوبل للسلام سنة 1993، ومات بعد 3 سنين من نشر فيونا السؤال والمقال، يعني مات سنة 2013.
ولما قالت فيونا للناس سنه 2010 أن نيلسون عايش ولسه ممتش حصل حاله من الصدمه والناس أستغربت وظهر كمان ناس بتقول انها فاكره الجنازه العسكريه بتاعته وخبر موته الي نزل في الجرايد كلها وقتها وانه مات في 1982.
وممكن يكون أنت كمان كنت فاكر انه مات في التمانينات وده محصلش.
بس لو أنت عارف المعلومه دي ممكن تقوم تتأكد كده وتسأل اي حد من عيلتك بس يكون من مواليد السبعينات وبنسبه كبيره هتلاقيه بيقولك ده مات في التمانينات وهتلاقيه هو كمان فاكر شكل الجنازه.
وبعد ما الموضوع أنتشر بدأت "فيونا" تنشر أمثله كتير للموضوع ده وسمته "تأثير مانديلا" والامثله بتاعتها صدمت ملايين الناس.
وعشان كده قبل ما تكمل قرأه المقال أنزل كده افتح الصور وشوف الامثله كلها وتعالي كمل بسرعه.
شوفت الامثله كلها ؟؟؟
أهي الامثله دي صدمت الناس، يعني أنت متخيل انك ممكن تكون فاكر حاجات في حياتك الماضيه ويطلع كل ده محصلش وكذب ؟
يعني مثلا أكيد وانت صغير كان ليك صديق بتحبه صح؟
نفترض بقي ان فجأه كل واحد فيكم شاف حياته ومبقتش تعرف عنه حاجه.
أهو بنسبه تصل ل 50% ممكن يكون صديقك ده مكنش موجود اصلا ويكون عقلك بيلعب معاك وبيخترعلك ذكريات كاذبة.
وكمان ممكن يكون 50% من ذكرياتك في الطفوله عبارة عن "كذبة" وحاجات محصلتش وانت فاكرها حصلت.
وفيونا كمان بتقول ان ده بسبب حركة (الأكوان المتعددة) وبتقول ان لكل كون موجود نسخة بديلة مختلفه عن نسختك في الكون ده.
يعني ربطت الأحداث دي بالعوالم المتوازية.
هتقولي ازاي ؟؟
هقولك يسيدي في مشروع اسمه "سيرن" وده علي حدود سويسرا وده أكبر مُختبر علمي في العالم، وده بقي بيعمل تجارب خطيرة زي تسريع الجسيمات الذرية الأولية (بروتينات والكترونيات) وبينم أطلاقها بسرعه الضوء للتصادم بين بعض وتتحلل لمركبات أولية أو جسيمات ذرية صغيرة والمشروع ده بدأ سنة ٢٠٠٨ وبدأ يتم صنع تصادمات وانفجارات في فتره ٢٠١٠ وهيا الفتره الي بدأ يزيد فيها ظاهرة " تأثير مانديلا" .
وعلماء الفيزياء بتقول ان بسبب قوة الانفجارات والطاقة الي بتنتج من تجارب مختبر سيرن حصل فجوات او تدخلات ما بين واقع عالمنا وواقع وتاريخ العوالم الموازية وده بيسمي parallel universe ويعني الخلاصه العلماء دي بتقول ان ذكريات وتواريخ العالم الموازي بتتسربلنا وقامت بتغيير ذكريات البشر.
ده غير ان مختبر سيرن ممكن يدمر الأرض قريب.

وفي بقي ناس وعلماء تاني قالت ان الحوار ده اسمه false memory "الذاكره الخاطئة" عادي خالص وبيحصل لمعظم الناس بس محدش اقتنع بيها ولا حتي فكر يقتنع لأنها مستحيل تكون بتحصل لملايين البشر وفي بلاد مختلفه ويكون صدفه.
يعني مستحيل تكون صدفه وتربط ناس من بلاد واعمار مختلفه كده.
وفي علماء تالت بقي بتقول أن التواريخ كمان أتغيرت بسبب مختبر سيرن وبتقول ان ممكن فعلًا يكون مانديلا مات في التمانينات بس في "كون موازي لينا" وعشان حصل تداخل بين الاكوان احنا معظمنا فاكرين انه مات في التاريخ ده.
والعلماء بتقول ان التداخلات دي لسه مستمره وبتحصل وهتحصل يعني ممكن كمان 50 سنه كده تلاقي نفسك فاكر ان كورونا ظهرت في 2015 مش 2020 مثلا وتلاقي في خلاف وانقسام بين الناس علي كده.
وكمان سنه 1954 في عالم فيزيائي اسمه (هيو إيفيرت) طرح نظرية (الاكوان المتوازية) وقال :
أن في عوالم واكوان تانية بتشابه الكون بتاعنا بأدق التفاصيل يعني لنفترض ان انا ك (احمد) موجود في الكون ده وموجود في الاكوان التانية الي لسه لحد دلوقتي محدش عرف يوصل لعددها اللا نهائي.
هما أكتشفوا بس ان في اكوان متعدده وفي كل كون منهم (أرض) وفي كل أرض منهم موجود الشخص الي هو أنا (أحمد) وانت بس بحالات مختلفة شوية يعني لو انا شخص ناجح في الكون ده ممكن ابقا شخص فاشل في الكون التاني ،ولو انا غني جدًا وعندي ثورة كبيرة هنا ممكن أبقي فقير هناك.
وبيقول كمان ان نسختك الي موجودة في الكون التاني مترابطة معاك بشكل كبير ،يعني لو انت ف مره كنت قاعد عادي وفجأه حسيت انك مخنوق ومضايق ومش عارف السبب هيو إيفرت بيقولك ان ممكن يكون النسخة التانية منك في الكون التاني حصل معاها حاجة تضايق وانت لا شعورياً حسيت بنفس الاحساس بتاعها.
ومش كده وبس لا ده هيو إيفريت كمان قدم أدله كتير ان في أكوان غيرنا وان أحنا لينا نسخ طبق الأصل في اكوان موازية.
بس المهم أنت شايف ايه ؟
الموضوع مُرعب شويه صح؟
يعني فكره أن يكون في عوالم واكوان موازية لينا فعلا دي فكره عايزه تفكير طويل.